Mikið er Ísland í bítið upplýsandi þáttur: Myndarlegt par situr afslappað í settinu og les blöðin, nokkurn veginn það sama og morgunþættir útvarpsstöðva bjóða upp á nema nú heyrir maður ekki bara brakið í blaðsíðunum, maður sér glitta í sjálft blaðið. Svo er myndavélinni af og til beint að snyrtilegum manni sem segir okkur heillandi fréttir utan úr heimi (lappari og aðgangur að visi.is gera kraftaverk), t.d. um norskan bónda sem ákvað að breyta nafninu sínu úr Espen í Keikoburger.
Svo mæta dísirnar í Nælon og frumsýna nýja myndbandið sitt. Viðlagið í þeirri ágætu tónsmíð er eitthvað á þessa leið: "Bara Í nótt..."
Mér verður hugsað til Mike Myers í hlutverki flugþjónaþjálfarans John Whitney í myndinni A View From The Top: "You put the wrong em-PHA-sis on the wrong syl-LA-ble."
Nú eru þessar gufur að furða sig á kúlupenna sem blikkar. Guð hjálpi mér.
Posted by Stebbi at 20.10.04 08:07Hvernig var nýja myndbandið?
Konni skrifaði 20 október 2004, kl. 09:14Satt að segja tók ég ekki mikið eftir því, heyrði lagið meira útundan mér. Tók þó eftir því að það var tekið upp í Þjóðleikhúskjallaranum.
Stebbi skrifaði 20 október 2004, kl. 13:00Jænxúg! Ég hef gersamlega farið varhluta af þessu Nælon fyrirbæri eftir að hafa gerst landflótta. Virðist mér samt að ég sé aldrei þessu vant ekki að missa af neinu.
Helgi skrifaði 20 október 2004, kl. 21:21