« janúar 2005 | Main | mars 2005 »

febrúar 27, 2005

Landsendi

lau800.jpg

Eins og Laugardalurinn væri ekki nógu ógnvekjandi fyrir.

Posted by Stebbi at 07:34 EH | Comments (6) | TrackBack

febrúar 25, 2005

Helginni reddað...

..með frasa sem hann Hákon vinnufélagi minn lét úr sér: " Þú fiktar ekki í sleikjó hjá öðrum karlmanni!"

Enska þýðingin er jafnvel flottari: "You don't mess with another man's lollipop!"

Posted by Stebbi at 12:06 EH | Comments (48) | TrackBack

febrúar 24, 2005

Grrrr

Andskotinn eigi þig, Herra Bauer, og alla þína samstarfsmenn og erkióvini með ykkar Motorola síma og hljóðdeyfðu byssur, hlaupandi um eins og rottur í völundarhúsi á meskalíni.

Ég ætlaði bara að horfa á nr.5

Svo var ég kominn upp í 9 áður en ég vissi af.

Arse fez!

Posted by Stebbi at 11:09 FH | Comments (0) | TrackBack

febrúar 19, 2005

Singstar er málið

Asskoti sem þetta Singstar-dæmi er pottþétt. Þarna vorum við sex, ég, Jósi, Sigga Lára, Nanna, Jón Geir og Stebbi bróðir hennar Nönnu, samankomin eftir að hafa horft á Stjörnuleitina í gær og þá var ákveðið að bregða sér í Singstar.

Ég og Jósi vorum frekar ókunnugir þessari uppfinningu en þessi tölvuleikur gengur út á að kareókía andstæðinginn til andskotans og er bæði hægt að syngja með liðum og einnig halda einstaklingskeppni. Í fyrstu tvö skiptin var skipt upp lið og skipti ekki sköpum, liðið sem innihélt Jón Geir vann í bæði skiptin.

Eftir það var haldið í einstaklingskeppni þar sem Nanna kom inn með seinni skipunum og rústaði dæminu. Frosin jelloshots úr áramótapartýinu hjálpuðu til og mikið var um tilþrif (eins og sést fyrir neðan).

singstar.JPG

Posted by Stebbi at 02:10 EH | Comments (6) | TrackBack

febrúar 15, 2005

Gettóbatterí

Þarna sat ég í strætó og teygði mig í næsta lesefni sem að aldrei þessu vant reyndist ekki vera nýjasta Fréttablaðið heldur glansprentaður auglýsingabæklingur fyrir skranbúðina skemmtilegu, Tiger. Allt milli himins og jarðar er auglýst í þessum bæklingi, þar á meðal smárafhlöður, 10 stk. í pakka, sem eru auglýstar með eftirfarandi setningu: "Tíu litlar negrarafhlöður."

Agatha Christie yrði stolt.

Posted by Stebbi at 09:10 EH | Comments (2) | TrackBack

febrúar 13, 2005

Djásnið mitt, það brennir oss!!

Nú hef ég kannski gert mistök aldarinnar. Ég leyfði henni Hrafnhildi elsku að handleika Ipodinn (soralegt hugtak þar!) og nú er hún orðin ástfangin af tækinu. Í augum hennar ber að líta einhvern Smjagalsglampa og ég á satt að segja von á því að hún vilji ei skilja við tækniundrið og ef ég hamri á málinu muni ég enda kyrktur á botni stöðuvatns rétt eins og hinn óheppni vinur Smjagals, Djagall.

Held samt varla að Ipodinn muni veita henni langlífi. Eða kannski líður tíminn bara svo skelfing hægt meðan maður er að hlusta á Hotel California með William Hung.

krummipod.jpg

Posted by Stebbi at 03:24 EH | Comments (2) | TrackBack

febrúar 11, 2005

Jibbíkóla!

ipodman1a.jpg

Pápi á Ipod! Nú þarf ég bara að hlaða helvítið í heila öld....

Posted by Stebbi at 06:00 FH | Comments (6) | TrackBack

febrúar 03, 2005

Arghh

Hættiði að byggja, þið örmu menn sem haldið fyrir mér vöku! Jafnvel áður en dagstjarnan er risin á himni eru þessir jaxlar byrjaðir að hamra, saga, negla, brjóta og bramla rétt eins og þeir fái borgað fyrir það. Sem þeir og fá reyndar.

Sótsvartur andskotinn í neðra hirði allar framkvæmdir sem hylja mitt elskaða útsýni! Pápi vill sjá Faxaflóann, Slippinn og inn til Gunna Þórðar.

Nei hvað sé ég? Þeir halda áfram! Ein hæð í viðbót?

Grrrrrrrrrr

PS: Resident Evil: Apocalypse er arfaléleg kvikmynd.

Posted by Stebbi at 05:00 EH | Comments (0) | TrackBack