Logan v.3.0

'ello

Jæja, lati myndasmiðurinn snýr aftur og hér eru loksins myndirnar úr þrítugsafmælinu hans Svavars þann 21. janúar.

PS: Hér er smá Valentínusarkveðja, tekin á Sony Ericsson W800 símann.

PPS: Af hverju lítur Gulli Briem, trommari Mezzoforte út eins og Ingibjörg Sólrún?

Jænxúg!

Leiðinlegasti mánuður ársins er liðinn en þó var hann bara dejlig í minn garð því að með breyttu matarræði (þ.e. chilla á sykri og vitleysu) og smá hreyfingu (þ.e. sund sund sund) hefur mittið minnkað jafnt og þétt og í janúarmánuði hafa 5.1 kíló fokið. Sem áður birtist horfin þyngd í smjörlíkisstykkjum að neðan.

Veistu hvað Ljóminn er ljómandi góður....

Sæl og bless

Jibbíkóla! Nýtt ár og allt (og ekkert) að gerast. Áramótapartý var fjölmennt að venju eins og sjá má og þökk sé Heiðu og Elínu Soffíu var tiltektin lítið mál. Janúar hefur liðið eins elding og með hækkandi sól gleðst Stebbi og hlakkar til vorsins eins og á hverju ári.

Ég held áfram í ljósmyndanáminu í IR en tek samt bara tvo áfanga í vor, vill hafa smá tima fyrir mig og Heiðu. Í maí skal stefnan tekin á New York þar sem við munum sóla okkur og spássera upp og niður Manhattan í að minnsta kosti viku. Been a long time, NY!

Annað kvöld mun Svavar hinn frábæri halda upp á þrítugsafmælið sitt á Rósenberg með hálfgerðum Singstar-Hraun tónleikum, Guð sé oss næstur! Sem sagt: Eintóm gleði og gaman annað kvöld á Rósenberg upp úr átta.

By the way: hér er þyngdartap mitt síðan um áramót mælt í smjörstykkjum. Jibbí!!!

Fyrir aðdáenda nr. 1

Þessi færsla er tileinkuð Krumma, sem kvartar yfir bloggleti í mér.

Eins og Frank Sinatra söng:

I only have eyes for you, my dear

Clock you too!

Rumpum þessu klukk-kjaftæði af í einum grænum:

1) Ég er bestur

2) Ég er flottastur

3) Ég er svalastur

4) Ég er fyndnastur

5) Ég er útsmognastur

Enginn er klukkaður hjá mér enda er fólk sem að stundar þetta engu betri en Nígeríuspammarar og ætti að læsa inni.

Svona var sumarið 2005:

Long time, no blogg

Síðasta mynd sem undirritaður tók af Helga Guðbjartssyni áður en hann varð ráðsettur og giftur maður.

Títtnefndur Helgi, eftir að hafa verið giftur í rúman sólarhring.

Hér má svo sjá myndir úr Englandsferðinni ógurlegu.

Að mér heilum og lifandi, tvö skref áfram og eitt til baka

Kominn með nýja Sony Ericsson K-750 símann og fyrir neðan má sjá mynd úr kvikindinu.

Meiri myndir hér.

Til hamingju með daginn Steina

Steina Kleina sætasta á ammli í dag og er 25 ára gömul.

Til hamingju, krúsídúlla :)

Til hamingju með afmælið Bragi!

Bragi Skaftason, öðlingur og athafnamaður, er 27 ára í dag. Í því tilefni samdi ég eftirfarandi hæku:

hann á afmæli
til hamingju Bragi minn
hann lengi lifi

Djöfulli Helvíti Lengi

9 stk DVD titlar frá Amazon, sendir með DHL:

Frá Tulsa, Oklahoma til Keflavíkur: 2 dagar
Frá Keflavík í hendurnar á mér: 4 dagar and counting.

Andskotinn í neðsta víti eigi ykkur, DHL!

Megi marflær verpa eggjum í augntóftir ykkar, megið þið týnast á Selfossi og aldrei rata heim, megi fílapenslarnir ykkar tútna og springa á vandræðilegu augnabliki, megi mjólkin ykkar súrna, smjörið úldna og ostapoppið harðna. Megið þið aldrei finna bílastæði við Kringluna og megi parketið ykkar rispast í næsta Júróvisjonpartý!
Megi sótsvartir púkar Azrael rífa ykkur í sundur aftur og aftur til eilífðarnóns!

Hraðþjónusta, my ass!

Sól og Ninjur

Sólin skín og helgin framundan. Í kvöld skal drukkið á kostnað Sony Ericsson en það eðla fyrirtæki mun halda sinn árlega fögnuð á Laugarvegi 176 og ef eitthvað mark er takandi á síðasta gilli þá mun varla skorta áfengi. Annað mál með grillmatinn. Annað kvöld á svo Bjarni pönkari svo afmæli og því skal skundað upp á Þingholt (og örlítið niður) til að taka þátt í ammlinu.

Fróðleikur dagsins:

Á öndverðri fjórtándu öld fór að bera á flokki vel þjálfaðra málaliða sem voru vel þjálfaðir í drápslistum og seldu þjónustu sína hæstbjóðanda. Þessir kappar gengu undir nafninu Ninjur og eins og allir sem sáu gömlu Ninja þættina vita, er ekkert grín að lenda í klónum á slíkum stríðsmanni.

Í dag eru 9 konur skráðar í þjóðskrá með skírnarnafnið Ninja.

Who you gonna call?

Í fléttum er þetta herst:

Það er fimmti apríl og ég er stíflaður og hóstandi eins og Doc Holiday í kolanámu. Páfinn og Johnnie Cochran eru farnir yfir móðuna miklu. Vestfirðir eru ansi næs og þar kunna þeir sko að byggja snjókarla. Það er minna en ár í að ég verði þrítugur, kristallinn blikkar örar og örar þessa dagana.

Hérna eru nokkrar myndir frá páskaferðinni vestur.

Bostonbúar, árshátið, jökulkuldi og Jon Stewart

Í þessum skrifuðu orðum gaular vindurinn hressilega í stigagangnum hjá mér líkt og hann hefur gert síðustu daga. Honum hefur einnig fylgt fimbulkuldi sem hefur loksins gefið þessu landi okkar nafn með rentu.

Á föstudaginn síðasta hitti ég þær Jennifer og Kiran, tvær ágætar stúlkur frá Boston í Massachusets, sem voru hér á landi í helgarfríi. Við mæltum okkur mót á Prikinu þar sem Fjórði Kynþokkafyllsti Maður Íslands (skv. könnun Rásar 2) hitti okkur ásamt Magga. Einnig hékk Jósi með okkur í nokkra stund þar til vinnan kallaði.

Jennifer kom færandi hendi og gaf mér Boston Red Sox hafnaboltahúfu ásamt tveimur pökkum af Twinkies, en það ljúfmeti fæst ekki selt hér á landi (var víst reynt að selja en enginn vildi kaupa). Þar sem Idol-partý var í fúll swing á Prikinu var bjórinn á tilboði og því var drukkið á við tvo Íra þetta kvöld. Seinna færði hersingin sig yfir á Ara í Ögri en stuttu seinna þurfti Gummi að kveðja og þá var röltið tekið um ískaldan miðbæinn og miðja Reykjavíkur skoðuð.

Eftir stutt stopp á fimmtu hæðinni var stefnan tekin á Vegamót sem að er satt að segja orðin af vítisbúllu, alla vega miðað við krádið sem hékk þar þetta kvöld. Upp úr 4 var svo haldið heim á leið og kvöldið kallað gott.

Laugardagskvöldið fór svo í árshátíð Símans sem að þessu sinni var haldin í Haukahúsinu í Hafnarfirði. Í ár var ansi vel haldið á spöðunum og árshátíðin hin glæsilegasta og sýndi mitt eðla fyrirtæki meira segja þann höfðingskap að bjóða upp á rútuferðir í gillið og svo aftur heim (enda ekki vanþörf á, þegar maður leit út um gluggana var dálítið eins og maður væri kominn til tunglsins, slík var auðnin). Í ár var þemað Hollywood og glæsileiki og því til stuðnings voru þjónustustúlkur kvöldsins allar í gervi Marilyn Monroe. Það var allt gott og blessað nema að þegar leið á kvöldið og þreytan byrjaði að segja til sín hjá stelpunum (að þjóna 1400 manns hlýtur að vera lýjandi) þá urðu margar Marilýnurnar ansi sjúskaðar að sjá. Samt var þetta hin besta skemmtan. En af hverju endar Stebbi alltaf á Dubliner eftir árshátíð? Eins og ég þoli ekki þennan stað?!?

Sunnudagurinn var kaldur, kaldari en allt sem kalt getur talist. Kaaaaaaaaaldur. Ég hitti Jennifer og Kiran aftur, lét þær bjóða mér að borða og sýndi þeim Sódómu Reykjavík á DVD að launum.

Nú sit ég hlæjandi eins og brjálæðingur yfir bók Jon Stewart (og meðhjálpara) America (The Book): A Citizen's Guide to Democracy Inaction

Þessi bók er hreinasta snilld, enda útskýrir hún hvers vegna bandarískt lýðræði er besta lýðræði í heimi og hví þjóðir um allan heim berjast um að verða sér úti um skammt af þessu fantagóða lýðræði. Bókin er byggð upp eins og námsbók (það er meira að segja merkimiði innan á spjaldinu, rétt eins og í gaggó) og fyrir utan að hlæja mig vitlausan er ég að læra allan andskotann með því að lesa þessa skruddu, ekki bara um bandarískt stjórnarkerfi heldur líka líka lítt þekktari staðreyndir eins og td. að Thomas Jefferson fílar Halle Berry í ræmur.

Reddið ykkur eintaki, það margborgar sig.

Ísbolti & regnbogar

Sunnudagurinn fór í frábæran bíltúr til Jökulsárlóns með stuttum stoppum hjá Seljalandsfossi & Skógum. Við Bragi, Jósi, Högni og Amy kærastan hans Högna héldum austur á tveimur bílum í blíðskaparveðri. Báðir fossarnir voru í essinu sínu og á Skógum mátti greinilega sjá tvo regnboga í mistrinu. Þegar á Jökulsárlón var komið kíktum ég, Bragi og Jósi út á hálf-freðið lónið (tíhíhí..."hálf-freðið lón!") og storkuðum örlögunum með því að leika okkur í fótbolta ásamt öðru sprelli. Þegar kvölda tók voru grillaðar SS pylsur áður en haldið var heim á leið.

Flottur dagur í alla staði.